தமிழ் ஊடக வினாடி - வினா - 2014 (26.09.14)

        புதுவைத் தாகூர் கலைக்கல்லூரித் தமிழ்த்துறையில் தமிழ் ஊடக வினாடி - வினா - 2014 என்னும் நிகழ்ச்சி கடந்த 26.09.2014 வெள்ளிக்கிழமை அன்று பிற்பகல் 02.30 மணியளவில் நடைபெற்றது. 

   இளங்கலைத் தமிழ் இரண்டாமாண்டு பயிலும் மாணவர்களுக்கு ஊடகவியல் - வானொலி, தொலைக்காட்சி, திரைப்படம் என்னும் தாள் பயிற்றுவிக்கப்படுகின்றது. ஊடகம் சார்ந்த அப்பாடத்தை வெறுமனே வகுப்பறை அமைப்பில் நடத்துவதைவிட வினாடி - வினாப் போட்டி போல நடத்தினால் மாணவர்களுக்கு அது புதுமையாகவும் ஆர்வமூட்டும் வகையிலும் இருக்கும் என்பதால் இப்புதிய முயற்சி தாகூர் கலைக்கல்லூரித் தமிழ்த்துறையில் மேற்கொள்ளப்பட்டது. பொது அறிவு வினாடி - வினாப் போட்டிகள் பலவற்றை நீங்கள் கண்டிருப்பீர்கள். ஆனால் தமிழ் சார்ந்த வினாடி - வினாக்களைக் கேள்விப்பட்டிருக்கின்றீர்களா?. தமிழ்க்கல்வி வரலாற்றில் புதியதொரு முயற்சியாகக் கடந்த 2002 ஆம் ஆண்டு முதல் தமிழ் இலக்கிய வினாடி  - வினா, தமிழ் இலக்கண வினாடி - வினா ஆகிய நிகழ்ச்சிகளைத் தாமே உருவாக்கி நடத்தி வரும் வினாடி - வினா இயக்குநர் முனைவர் ஆ. மணி முதன்முறையாகத் தமிழ் ஊடக வினாடி - வினா என்னும் இந்நிகழ்வையும் உருவாக்கி நடத்தினார். 

    போட்டியில் செந்தமிழ் அணி, வண்டமிழ் அணி, மென்தமிழ் அணி, பைந்தமிழ் அணி ஆகிய நான்கு அணியினர் பங்கேற்றனர். செந்தமிழ் அணியில் திரு. மணிகண்டன், திரு. சீனுவாசன் ஆகியோரும், வண்டமிழ் அணியில் திரு. சந்திரசேகரன், திரு. ஜெர்மியா கிருபாகரன் ஆகியோரும், மென்தமிழ் அணியில் திரு. பச்சையப்பன், திரு. செல்வமணி ஆகியோரும், பைந்தமிழ் அணியில் செல்வி. யாழினி, செல்வி. சுகுணா ஆகியோரும் பங்கேற்றனர். மதிப்பீட்டாளர்களாகச் செல்வி. அனுப்பிரியா, இராஜலட்சுமி ஆகியோர் பங்காற்றினர். கணினி இயக்குநர்களாக முனைவர் ந. இராணி அவர்களும், முனைவர் நா. காயத்ரி அவர்களும் தங்கள் பங்களிப்பை செய்தனர்.

          ஐந்து சுற்றுக்களாக நடந்த அப்போட்டியில் பைந்தமிழ் அணியின் செல்வி. யாழினி, செல்வி. சுகுணா ஆகியோர் முதல் பரிசையும், மென்தமிழ் அணியின் திரு. பச்சையப்பன், திரு. செல்வமணி ஆகியோர் இரண்டாம் பரிசையும் பெற்றனர்.

         போட்டியின் முடிவில் பரிசளிப்பு விழா நடைபெற்றது. பிற்பகல் நான்கு மணிக்குத் தொடங்கிய அவ்விழாவுக்குத் தமிழ்த்துறைத் தலைவர் முனைவர் தி. செல்வம் அவர்கள் தலைமை தாங்கினார். அவர்தம் தலைமையுரையில் இதுபோன்ற புதிய முயற்சிகள் வரவேற்புக்குரியன. ”சாக் அண்ட் டாக்” முறையைவிட இவ்வகைக் கற்பித்தல் முறைகள் பாராட்டுக்குரியன என்றார்.

        வெற்றி பெற்ற மாணவர்களுக்குப் பரிசுகளை வழங்கிச் சிறப்புரையாற்றிய கல்லூரி முதல்வர் முனைவர் உ.பிச்சைமணி அவர்கள் தமிழ்த்துறையின் இப்புதுமை முயற்சிகள் பாராட்டிற்குரியன. இன்றைய உலகம் ஊடக உலகம். அதனை நினைவில் கொள்ளும் வகையில் ஊடகங்களைப் பற்றிய இந்நிகழ்வு நடைபெறுவது மகிழ்ச்சியளிக்கின்றது என்று கூறி, பரிசு பெற்ற மாணவர்களைப் பாராட்டினார். 

          விழாவில் முனைவர் ஆ. மணி வரவேற்புரையாற்றினார். இளங்கலைத் தமிழ் இரண்டாமாண்டு மாணவி செல்வி த.சபிதா நன்றி கூறினார். விழாவில் பல்வேறு கல்லூரிகளைச் சேர்ந்த பேரசிரியர்களும், மாணவர்களும் பங்கேற்றனர். நாட்டுப்பண்ணுடன் நிகழ்ச்சி இனிதே நிறைவுபெற்றது. விழாக்காட்சிகள் இதோ:

 பிரஞ்சுப் பேராசிரியர் முனைவர் சு.அ.வெங்கட சுப்பராய நாயகரை வரவேற்கும் மாணவியர்

 பார்வையாளர் பகுதியில் முனைவர் நா.வஜ்ரவேலு, முனைவர் கு.ஞானகுரு, முனைவர் வீ.மணி, முனைவர் ஆ.மணி அகியோர்

 பார்வையாளர் பகுதியில் முனைவர் நாயகர், முனைவர் வீ.மணி, முனைவர் கண்ணன், முனைவர் மு. இளங்கோவன் அகியோர்

வினாடி - வினா இயக்குநர் முனைவர் ஆ.மணி

கணினி இயக்கம்: முனைவர் நா. காயத்ரி, முனைவர் ந.இராணி ஆகியோர்.

 போட்டியாளர்கள்

 போட்டியாளர்கள்

 வரவேற்புரை : முனைவர் ஆ.மணி

 தலைமையுரை : முனைவர் தி. செல்வம் (தமிழ்த்துறைத் தலைவர், தாகூர் கலைக்கல்லூரி) அவர்கள்.

 கல்லூரி முதல்வர் முனைவர் உ. பிச்சைமணி அவர்களுக்குத் தமிழ்த்துறைத் தலைவர் முனைவர் தி.செல்வம் அவர்கள் சிறப்புச் செய்தல்

முனைவர் ஆ.மணி அவர்கள் தமிழ்த்துறைத் தலைவர் முனைவர் தி.செல்வம் அவர்களுக்குச் சிறப்புச் செய்தல்

 கல்லூரி முதல்வர் முனைவர் உ.பிச்சைமணி அவர்களின் சிறப்புரை

 முதல் பரிசு : பைந்தமிழ் அணியினர் - செல்வி. யாழினி, செல்வி. சுகுணா ஆகியோருக்குக்  கல்லூரி முதல்வர் முனைவர் உ.பிச்சைமணி அவர்கள் பரிசு வழங்குதல்.

 இரண்டாம் பரிசு : மென்தமிழ் அணியினர் - திரு. பச்சையப்பன், திரு. செல்வமணி ஆகியோருக்குக்  கல்லூரி முதல்வர் முனைவர் உ.பிச்சைமணி அவர்கள் பரிசு வழங்குதல்.

 கல்லூரி முதல்வர் முனைவர் உ.பிச்சைமணி அவர்கள் திரு சந்திரசேகரன் அவர்களுக்குப் பங்கேற்புச் சான்றிதழ் வழங்குதல்.

 கல்லூரி முதல்வர் முனைவர் உ.பிச்சைமணி அவர்கள் திரு ஜெர்மியா கிருபாகரன் அவர்களுக்குப் பங்கேற்புச் சான்றிதழ் வழங்குதல்.

 கல்லூரி முதல்வர் முனைவர் உ.பிச்சைமணி அவர்கள் திரு சீனுவாசன் அவர்களுக்குப் பங்கேற்புச் சான்றிதழ் வழங்குதல்.

 கல்லூரி முதல்வர் முனைவர் உ.பிச்சைமணி அவர்கள் திரு மணிகண்டன் அவர்களுக்குப் பங்கேற்புச் சான்றிதழ் வழங்குதல்.

நன்றியுரை: செல்வி த.சபிதா அவர்கள், இளங்கலைத் தமிழ் இரண்டாமாண்டு

 அழைப்பிதழ் - 1

அழைப்பிதழ் - 2

தமிழ் ஆண்டுகளும் அவற்றுக்கு நிகரான ஆங்கில ஆண்டுகளும்

      தொல்காப்பியர் காலத்திற்கு முன்னர் இருந்தே ஒரு நாளின் பொழுதுகளைச் சிறுபொழுதுகள் என்றும், ஓர் ஆண்டின் பொழுதுகளைப் பெரும்பொழுதுகள் என்றும் பகுத்து வழங்கியோர் தமிழர். ஒரு பொழுது என்பது பத்து நாழிகைகளைக் கொண்டது.  ஒரு நாழிகை என்பது தற்போதைய வழக்கில் சொல்வதானால் 24 நிமிடம் ஆகும். ஒரு மணி நேரம் என்பது இரண்டரை நாழிகை ஆகும். ஒரு சிறுபொழுது என்பது நான்கு மணி நேரமாகும். ஆறு சிறுபொழுதுகளைக் கொண்ட ஒரு நாள் என்பது 60 நாழிகைகளைக் கொண்டது. ஒரு நாளின் பொழுதுகளை விடியல், நண்பகல், எற்பாடு, மாலை, யாமம், வைகறை எனப் பெயரிட்டழைத்தனர். அதுபோன்றே, ஓர் ஆண்டு என்பது ஆறு பெரும்பொழுதுகளைக் கொண்டதாகும். ஒரு பெரும்பொழுது என்பது இரு மாதங்களாகும். கார்காலம், கூதிர்காலம், முன்பனிக்காலம், பின்பனிக்காலம், இளவேனிற்காலம், முதுவேனிற்காலம் என்பன ஓர் ஆண்டின் பொழுதுகளாகும். இப்படிக் காலத்தைக் கணித்து வைத்த காலக்கணிதர் இருந்த முற்காலத் தமிழகத்தில் ஆண்டுவரிசை ஏதுமில்லை எனப் பலரும் மொழிவதுதான் வியப்புக்குரியது. தமிழர்தம் ஆண்டுவரிசைக் கணக்கினைப் பற்றித் தற்போது போதிய செய்திகள் கிட்டாமையால் அதனைப் பின்னர்க் காண்போம். 

       தமிழ் ஆண்டுகள் என்று கூறப்படுகின்ற 60 ஆண்டுகளின் பெயர்தானும் தமிழ் இல்லை. எனினும், 19, 20ஆம் நூற்றாண்டின் தொடக்ககாலப் பதிப்புக்களை ஆய்வு செய்வாருக்குப் பயன்படும் வகையில் அவற்றுக்கு நிகரான தமிழாண்டுகள் இவண் தரப்படுகின்றன.

 தமிழ் ஆண்டுகளும் அவற்றுக்கு நிகரான ஆங்கில ஆண்டுகளும்

‌1. பிரபவ	1807 -	1808	1867 -	1868	1927 -	1928	1987 -	1988	2047 -	2048
2. விபவ	1808 -	1809	1868 -	1869	1928 -	1929	1988 -	1989	2048 -	2049
3.சுக்கில	1809 -	1810	1869 -	1870	1929 -	1930	1989 -	1990	2049 -	2050
4. பிரமோதூத	1810 -	1811	1870 -	1871	1930 -	1931	1990 -	1991	2050 -	2051
5. பிரசோற்பத்தி	1811 -	1812	1871 -	1872	1931 -	1932	1991 -	1992	2051 -	2052
6. ஆங்கீரச	1812 -	1813	1872 -	1873	1932 -	1933	1992 -	1993	2052 -	2053
7. ஸ்ரீமுக	1813 -	1814	1873 -	1874	1933 -	1934	1993 -	1994	2053 -	2054
8. பவ	1814 -	1815	1874 -	1875	1934 -	1935	1994 -	1995	2054 -	2055
9. யுவ	1815 -	1816	1875 -	1876	1935 -	1936	1995 -	1996	2055 -	2056
10. தாது	1816 -	1817	1876 -	1877	1936 -	1937	1996 -	1997	2056 -	2057
11. ஈஸ்வர	1817 -	1818	1877 -	1878	1937 -	1938	1997 -	1998	2057 -	2058
12. வெகுதானிய	1818 -	1819	1878 -	1879	1938 -	1939	1998 -	1999	2058 -	2059
13. பிரமாதி	1819 -	1820	1879 -	1880	1939 -	1940	1999 -	2000	2059 -	2060
14. விக்கிரம	1820 -	1821	1880 -	1881	1940 -	1941	2000 -	2001	2060 -	2061
15. விஷூ	1821 -	1822	1881 -	1882	1941 -	1942	2001 -	2002	2061 -	2062
16. சித்திரபானு	1822 -	1823	1882 -	1883	1942 -	1943	2002 -	2003	2062 -	2063
17. சுபானு	1823 -	1824	1883 -	1884	1943 -	1944	2003 -	2004	2063 -	2064
18. தாரண	1824 -	1825	1884 -	1885	1944 -	1945	2004 -	2005	2064 -	2065
19. பார்த்திப	1825 -	1826	1885 -	1886	1945 -	1946	2005 -	2006	2065 -	2066
20. விய	1826 -	1827	1886 -	1887	1946 -	1947	2006 -	2007	2066 -	2067
21. சர்வசித்து	1827 -	1828	1887 -	1888	1947 -	1948	2007 -	2008	2067 -	2068
22. சர்வதாரி	1828 -	1829	1888 -	1889	1948 -	1949	2008 -	2009	2068 -	2069
23. விரோதி	1829 -	1830	1889 -	1890	1949 -	1950	2009 -	2010	2069 -	2070
24. விக்ருதி	1830 -	1831	1890 -	1891	1950 -	1951	2010 -	2011	2070 -	2071
25. கர	1831 -	1832	1891 -	1892	1951 -	1952	2011 -	2012	2071 -	2072
26. நந்தன	1832 -	1833	1892 -	1893	1952 -	1953	2012 -	2013	2072 -	2073
27. விஜய	1833 -	1834	1893 -	1894	1953 -	1954	2013 -	2014	2073 -	2074
28. ஜய	1834 -	1835	1894 -	1895	1954 -	1955	2014 -	2015	2074 -	2075
29. மன்மத	1835 -	1836	1895 -	1896	1955 -	1956	2015 -	2016	2075 -	2076
30. துன்முகி	1836 -	1837	1896 -	1897	1956 -	1957	2016 -	2017	2076 -	2077
31. ஹேவிளம்பி	1837 -	1838	1897 -	1898	1957 -	1958	2017 -	2018	2077 -	2078
32. விளம்பி	1838 -	1839	1898 -	1899	1958 -	1959	2018 -	2019	2078 -	2079
33. விகாரி	1839 -	1840	1899 -	1900	1959 -	1960	2019 -	2020	2079 -	2080
34. சார்வரி	1840 -	1841	1900 -	1901	1960 -	1961	2020 -	2021	2080 -	2081
35. பிலவ	1841 -	1842	1901 -	1902	1961 -	1962	2021 -	2022	2081 -	2082
36. சுபகிருது	1842 -	1843	1902 -	1903	1962 -	1963	2022 -	2023	2082 -	2083
37. சோபகிருது	1843 -	1844	1903 -	1904	1963 -	1964	2023 -	2024	2083 -	2084
38. குரோதி	1844 -	1845	1904 -	1905	1964 -	1965	2024 -	2025	2084 -	2085
39. விசுவாசுவ	1845 -	1846	1905 -	1906	1965 -	1966	2025 -	2026	2085 -	2086
40. பரபாவ	1846 -	1847	1906 -	1907	1966 -	1967	2026 -	2027	2086 -	2087
41. பிலவங்க	1847 -	1848	1907 -	1908	1967 -	1968	2027 -	2028	2087 -	2088
42. கீலக	1848 -	1849	1908 -	1909	1968 -	1969	2028 -	2029	2088 -	2089
43. சௌமிய	1849 -	1850	1909 -	1910	1969 -	1970	2029 -	2030	2089 -	2090
44. சாதாரண	1850 -	1851	1910 -	1911	1970 -	1971	2030 -	2031	2090 -	2091
45. விரோதிகிருது	1851 -	1852	1911 -	1912	1971 -	1972	2031 -	2032	2091 -	2092
46. பரிதாபி	1852 -	1853	1912 -	1913	1972 -	1973	2032 -	2033	2092 -	2093
47. பிரமாதீச	1853 -	1854	1913 -	1914	1973 -	1974	2033 -	2034	2093 -	2094
48. ஆனந்த	1854 -	1855	1914 -	1915	1974 -	1975	2034 -	2035	2094 -	2095
49. ராட்சச	1855 -	1856	1915 -	1916	1975 -	1976	2035 -	2036	2095 -	2096
50. நள	1856 -	1857	1916 -	1917	1976 -	1977	2036 -	2037	2096 -	2097
51. பிங்கள	1857 -	1858	1917 -	1918	1977 -	1978	2037 -	2038	2097 -	2098
52. காளயுக்தி	1858 -	1859	1918 -	1919	1978 -	1979	2038 -	2039	2098 -	2099
53. சித்தார்த்தி	1859 -	1860	1919 -	1920	1979 -	1980	2039 -	2040	2099 -	2100
54. ரௌத்திரி	1860 -	1861	1920 -	1921	1980 -	1981	2040 -	2041	2100 -	2101
55. துன்மதி	1861 -	1862	1921 -	1922	1981 -	1982	2041 -	2042	2101 -	2102
56. துந்துபி	1862 -	1863	1922 -	1923	1982 -	1983	2042 -	2043	2102 -	2103
57. ருத்ரோத்காரி	1863 -	1864	1923 -	1924	1983 -	1984	2043 -	2044	2103 -	2104
58. ரக்தாட்சி	1864 -	1865	1924 -	1925	1984 -	1985	2044 -	2045	2104 -	2105
59. குரோதன	1865 -	1866	1925 -	1926	1985 -	1986	2045 -	2046	2105 -	2106
60. அட்சய	1866 -	1867	1926 -	1927	1986 -	1987	2046 -	2047	2106 -	2107